Rusiyanın TU-95MS bombardmançı təyyarələri İŞİD və “ən-Nüsra” terror təşkilatlarının Suriyadakı obyektlərinə zərbələr endirib.
APA-nın “Gazeta.ru” saytına istinadən verdiyi xəbərə görə, bu barədə Rusiya Müdafiə Nazirliyinin yaydığı məlumatda deyilir.
Bildirilir ki, Rusiyada ərazisindən havaya qalxan təyyarələr İran və İraq üzərindən uçub. TU-95MS təyyarələri Suriya səmasında olarkən İŞİD-in Deyr-əz-Zor və İdlib əyalətlərində yerləşən obyektlərini bombalayıb.
Aviazərbələr nəticəsində terrorçuların komanda-qərargah məntəqələri və texnikası məhv edilib.
Rusiya Müdafiə Nazirliyindən bildiriblər ki, məhv edilmiş obyektlər yaşayış məntəqələrindən, habelə ABŞ xüsusi təyinatlılarının yerləşdiyi məntəqələrdən uzaq olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
