Qax rayonunda narkotik tərkibli bitkilər becərən şəxs saxlanılıb.
DİN-in mətbuat xidmətinin Şəki regional qrupundan APA-nın Şəki-Zaqatala bürosuna verilən məlumata görə, Qax Rayon Polis Şöbəsinə daxil olmuş məlumat əsasında Qax rayonu Tasmalı kənd sakini Ümidvar Yusifovun kəndin ərazisindəki bağ sahəsində əməliyyat-axtarış tədbiri keçirilib.
Tədbir zamanı Ümidvar Yusifov bağında əkdiyi çətənə kollarına qulluq edərkən iş başında yaxalanıb. Polis əməkdaşları oradan 310 ədəd narkotik tərkibli bitki hesab edilən çətənə kolu aşkarlayaraq götürüblər.
Saxlanılan şəxs ilkin ifadəsində narkotik vasitəni satmaq məqsədilə əkdiyini bildirib.
Faktla bağlı Qax RPŞ-də araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
