Bakı. Etibar Məmmədov – APA. Qarabağ Azadlıq Təşkilatının (QAT) üzvləri azərbaycanlı girovlar Dilqəm Əsgərov və Şahbaz Quliyevin talelərinə beynəlxalq təşkilatların biganəliyi etiraz olaraq aclıq aksiyasına başlayıb.
Təşkilatdan APA-ya verilən məlumata görə, aksiya iştirakçıları BMT, ATƏT, Avropa Şurası, Avropa İttifaqını, Minsk qrupunu işğalçı Ermənistanın bu qanunsuz hərəkətlərinə, girovlara işgəncə verilməsinə, saxta “məhkəmə prosesi”nə dözməməyə, biganəliyə son qoyaraq günahsız insanları erməni cinayətkarlarının əlindən almağa çağırır, həmçinin Azərbaycan hakimiyyətindən girovları xilas etmək üçün ən radikal addımları atmağı tələb edir: “Aksiyaya ilk olaraq QAT sədri Akif Nağı, idarə heyətinin üzvü Nəsib Cəfərov, Ali Məclis üzvləri Tahir Bayramov, Rəhman Cəfərov və digərləri qoşulublar”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
