Bakı – APA. Azərbaycan çempionatının I divizionunun XIV turunun yarımçıq qalan oyunu ilə bağlı qərar verilib. Apasport.az saytının məlumatına görə, ilk 45 dəqiqədən sonra davam etdirilməyən “Ağsu” – “Lokomotiv” matçında baş verənləri araşdıran AFFA-nın İntizam Komitəsi qonaq komandanı cəzalandırıb.
“Lokomotiv” matçın ilkin protokolunda start heyətində 11 nəfərin adını göstərsə də, meydançaya 7 futbolçu ilə çıxıb. Oyunun gedişində paytaxt təmsilçisinin üzvlərindən biri zədələnib.
Bununla, yetərsay təmin olunmadığından qarşılaşma davam etdirilməyib. Nəticədə “Lokomotiv” klubuna 0:3 hesablı texniki məğlubiyyət verilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
