Gəncə. Azər Məmmədli - APA. Gəncə şəhərində intihara cəhd hadisəsi baş verib. Gəncə şəhər Təcili Tibbi Yardım Xəstəxanasından APA-nın qərb bürosuna verilən məlumata görə, şəhər sakini 26 yaşlı Aygün Bağırova ağır dərman zəhərlənməsi diaqnozu ilə xəstəxanaya daxil olub. Tibbi yardım nəticəsində A.Bağırovun vəziyyəti normallaşıb. Qadın hüquq-mühafizə orqanlarının əməkdaşlarına həyat yoldaşının işgəncələrinə dözə bilmədiyi üçün 35 ədəd müxtəlif həblər qəbul edərək özünü öldürmək istədiyini bildirib. A. Bağırovun sözlərinə görə əri, 1984-cü il təvəllüdlü, bir dəfə məhkumluq həyatı yaşayan həyat yoldaşı Mehman Həsənov mütəmadi olaraq onu döyərək hədə-qorxu gəlir və onun ünvanına nalayıq sözlər söyləyir. Hazırda polis əməkdaşları M. Həsənovun yerini müəyyən etmək istiqamətində əməliyyat-axtarış tədbirləri həyata keçirirlər.
Faktla bağlı toplanmış materiallar Gəncə şəhər Prokurorluğuna göndərilib, araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
