Dünyada tanınmış meksikalı kastanyet ifaçısı, prima balerina, xoreoqraf və aktrisa, çoxsaylı ali beynəlxalq mükafatların sahibi və daha öncə iki dəfə Azərbaycanda konsert proqramları ilə çıxış etmiş Sonia Amelio videomüraciətlə Azərbaycanın dinc əhalisinin yaşadığı faciələrdən dərin narahatlığını ifadə edərək, xalqımıza öz həmrəyliyini çatdırıb.
Azərbaycanın Meksikadakı Səfirliyindən APA-ya verilən məlumata görə, Sonia Amelio ölkəmizin yaşadığı ağır günlərin tezliklə bitməsini diləyib.