Aİ Şərq Tərəfdaşlığı ölkələrinin XİN başçılarının iclasının gündəliyi açıqlanıb

Aİ Şərq Tərəfdaşlığı ölkələrinin XİN başçılarının iclasının gündəliyi açıqlanıb
# 11 dekabr 2023 12:01 (UTC +04:00)

Şərq Tərəfdaşlığı ölkələrinin xarici işlər nazirlərinin Brüsseldə keçiriləcək iclasının gündəliyi açıqlanıb.

APA xəbər verir ki, Avropa İttifaqı (Aİ) Şurasının məlumatına əsasən nazirlər 4 istiqamətdə müzakirə aparacaqlar.

Qeyd olunub ki, iclasda Şərq Tərəfdaşlığının üzv və tərəfdaş ölkələrin ehtiyaclarının təmin edilməsinə necə davam edə biləcəyi, 2024-cü il üzrə birgə işin əsas prioritetləri, həmçinin Şərq Tərəfdaşlığı ölkələri üçün Aİ-nin İqtisadi və İnvestisiya Planının çatdırılmasının necə sürətləndirilməsi müzakirə olunacaq. Həmçinin Mərkəzi Asiya və Qərbi Balkanlar regionları arasında əməkdaşlığın artırılması və Qara Dəniz Sinergiyası kimi digər regional əməkdaşlıq siyasətləri müzakirə ediləcək.

Qeyd olunub ki, nazirlər, xüsusilə regional rouminq, yol təhlükəsizliyi və nəqliyyat sahəsində 2024-cü il üçün konkret nəticələrə dair öhdəlikləri möhkəmləndirməyi hədəfləyəcəklər.

#
#

ƏMƏLİYYAT İCRA OLUNUR