Dekabr ayında Azərbaycan, Türkiyə və Türkmənistan prezidentlərinin görüşündə enerji sahəsində əməkdaşlıq müzakirə olunub. Türkmənistan qazının beynəlxalq bazara çıxarılmasında əməkdaşlıq ediləcək.
APA xəbər verir ki, bunu xarici işlər naziri Ceyhun Bayramov ilin yekunlarına dair mətbuat konfransında deyib.
O, bu sahədə əməkdaşlığın bir sıra elementlərinin olduğunu bildirib.
“Azərbaycan enerji ilə bağlı bir çox layihələrin təşəbbüskarı və iştirakçısı olub. Ancaq Türkmənistan qazı ilə bağlı danışırıqsa, Azərbaycan burada tranzit ölkə kimi çıxış edir. İşçi qrup hansı ölkənin üzərinə hansı işlərin düşdüyünü müəyyənləşdirəcək. Azərbaycan dövləti bu layihəyə müsbət yanaşır və dəstəkləyir”, - nazir qeyd edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
