İkinci Qarabağ müharibəsində yaralanmış və İsrail həkimləri tərəfindən əməliyyat olunmuş azərbaycanlı əsgər İsrailə gedəcək.
APA xəbər verir ki, bu barədə ABŞ-Azərbaycan Mədəniyyət Fondunun rəhbəri Nurit Qringer Beynəlxalq Münasibətlərin Tədqiqi Mərkəzində (BMTM) keçirdiyi mətbuat konfransında deyib.
Nurit Qringer ikinci Qarabağ müharibəsində gözünü itirmiş azərbaycanlı əsgərdən müsahibə götürdüyünü deyib. O xatırladıb ki, 44 günlük müharibədə gözünü itirmiş əsgər Azərbaycana səfər etmiş israilli həkimlər tərəfindən əməliyyat olunub və ona İsrail vətəndaşı donorluq edib.
O bildirib ki, sabah həmin qazi Arif Hacıyev Azərbaycanın Diasporla İş üzrə Dövlət Komitəsinin dəstəklədiyi layihə çərçivəsində İsrailə dörd günlük səfər edəcək, orada onu əməliyyat etmiş İsrail həkimləri və donorun ailəsi ilə görüşəcək.
Nurit Qringer deyib ki, o Azərbaycanla bağlı iki sənədli film çəkir. Bu filmlərdən biri məhz həmin azərbaycanlı qaziyə, digər film isə Azərbaycan mədəniyyəti və tarixinə aiddir:
"İkinci sənədli filmim üçün Azərbaycanın müxtəlif şəhərlərində, azad olunmuş torpaqlarda olmuşam. Məqsədim Azərbaycan mədəniyyətini, tarixini tanıtmaq, və eyni zamanda İsrail, ABŞ və Azərbaycan münasibətlərini təşviq etməkdir".
O deyib ki, İsrail və Azərbaycan arasında güclü bağlar var, iki ölkənin münasibətləri yalnız təhlükəsizlik sahəsini əhatə etmir, iqtisadiyyat, mədəniyyət, texnologiya sahələrində uğurlu əməkdaşlıq var.
Azərbaycanın multikultural ölkə olduğunu qeyd edən Nurit Qringer, Azərbaycanın sülh içində birgə yaşayışın ən gözəl modeli olduğunu deyib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
