Bakı Təşəbbüs Qrupu olaraq mübarizəmiz Fransa ilə deyil, bizim mübarizəmiz neokolonializmlədir.
APA xəbər verir ki, bunu paytaxtda keçirilən “Neokolonializm: İnsan Hüquqlarının Pozulması və Ədalətsizlik” adlı beynəlxalq konfransın təşkilatçısı olan Bakı Təşəbbüs Qrupunun icraçı direktoru Abbas Abbasov brifinqdə deyib.
“Biz hər hansı ölkədən təzyiq və ya dəstək almamışıq. Ölkəmiz beynəlxalq hüququn prinsiplərinə riayət edərək nümunə olub və biz də Bakı Təşəbbüs Qrupu olaraq bu çətir altında fəaliyyət göstəririk və bu təşəbbüs kiməsə qarşı deyil”, - o bildirib.