Azərbaycan və Türkiyə arasında siyasi rəhbərlik səviyyəsində tarixi bağlara əsaslanan münasibətlər mövcuddur.
APA-nın İstanbul müxbirinin verdiyi xəbərə görə, bu barədə Azərbaycanın Baş prokuroru Kamran Əliyev Beynəlxalq Prokurorlar Assosiasiyasının 1-ci Pan Avropa Konfransında çıxışı zamanı bildirib.
O qeyd edib ki, Azərbaycan və Türkiyə, həmçinin prokurorluq səviyyəsində də səmərəli əməkdaşlıq edir.
Bundan əlavə, Baş prokuror Türkiyədə baş verən zəlzələ ilə bağlı da türk dövləti və xalqına başsağlığı verib: “Dünyanın necə birləşdiyini gördük. Bizim mürəkkəb dünyada birliyin nümayişi vacib idi”.