Xarici siyasət

Ana səhifə

Xarici siyasət

XİN rəhbərinin müavini BMT BA Prezidentini bölgədəki vəziyyət barədə məlumatlandırıb - YENİLƏNİB

17 dekabr 2022 14:42 (UTC +04:00)

XİN xarici işlər nazirinin müavini Fariz Rzayevin BMT Baş Assambleyasının 77-ci sessiyasının Prezidenti Ksaba Korosi ilə görüşünə dair məlumat yayıb.

APA XİN-in saytına istinadən xəbər verir ki, Azərbaycan Respublikasının xarici işlər nazirinin müavini Fariz Rzayev Nyu Yorka səfəri çərçivəsində BMT Baş Assambleyasının 77-ci sessiyasının Prezidenti Ksaba Korosi ilə görüşüb.

Görüşdə Azərbaycanın BMT çərçivəsində fəaliyyəti, BMT-nin ixtisaslaşmış qurumları ilə əməkdaşlıq əlaqələri, gələcək fəaliyyət istiqamətləri və gündəlikdə duran digər məsələlər ətrafında fikir mübadiləsi aparılıb.

Nazir müavini BA Prezidentinə bölgədə son vəziyyət, o cümlədən işğaldan azad olunmuş ərazilərdə aparılan bərpa və quruculuq işləri, mina təhdidləri, habelə Ermənistanla münasibətlərin normallaşdırılması istiqamətində Azərbaycan tərəfindən atılan addımlar barədə məlumat verib. O, Ermənistanın təxribatlarına baxmayaraq, bölgədə sülh və sabitliyin təmin edilməsi üçün bütün vacib istiqamətlər üzrə Azərbaycanın səylərini davam etdirəcəyini bildirib.

BMT Baş Assambleyasının Prezidenti Ksaba Korosi Azərbaycanın BMT-nin ən fəal üzv ölkələrindən biri olduğunu qeyd edib. Ksaba Korosi, Azərbaycanın Qoşulmama Hərəkatına sədrliyinin uğurla icrasını təqdir edib. O, Azərbaycan COVID-19 pandemiyasına qarşı irəli sürdüyü qlobal əhəmiyyətli təşəbbüsləri yüksək qiymətləndirdiyini bildirib.

Tərəflər, həmçinin BMT gündəliyində duran qarşılıqlı maraq doğuran digər məsələləri müzakirə ediblər.

***

10.56

BMT Baş Assambleyasının Prezidenti Ksaba Korosi Azərbaycan xarici işlər nazirinin müavini Fariz Rzayevlə görüşüb.

APA xəbər verir ki, bu barədə BMT Baş Assambleyasının Prezidenti "Twitter"də bildirib.

"Azərbaycan xarici işlər nazirinin müavini Fariz Rzayev ilə görüşməkdən məmnun oldum.

Qoşulmama Hərəkatına uğurlu sədrliyi üçün Azərbaycanı yüksək qiymətləndiririk.

Azərbaycanın Qoşulmama Hərəkatına sədrlik prioritetləri, COVID-19-dan sonrakı bərpada əməkdaşlıq, su idarəçiliyi və elm sahəsində sinergiyanın maksimuma çatdırılması müzakirə edildi."