Bakı – APA. Ukraynanın Luqansk şəhərində gedən hərbi əməliyyatlar nəticəsində iyulun əvvəlindən 93 dinc sakin həlak olub, 407 nəfər yaralanıb.
APA-nın BBC-yə istinadən verdiyi xəbərə görə, bu müddət ərzində 97 çoxmərtəbəli bina, 286 fərdi ev, 23 məktəb, 21 uşaq bağçası, 3 tibb müəssisəsi, 7 təhsil ocağı və avtovağzal dağıdılıb.
Şəhərdə ticarət obyektlərinin əksəriyyəti işləmir, yanacaq yox səviyyəsindədir.