Afrika

Ana səhifə

Afrika

Liviyada kütləvi etirazlar başlayandan 50 min nəfər həlak olub

30 avqust 2011 21:47 (UTC +04:00)

Qiyamçılar əvvəllər 20 minə yaxın insanın həlak olduğunu bildirirdi.

“Misrata və Zlitanda 15-17 min həlak olub, dağlıq Cəbəl-Nafus massivində gedən döyüşlərdə də çoxlu sayda insan həyatını itirib. Biz 28 minədək məhbusu azad etmişik. Biz həmçinin hesab edirik ki, itkin düşənləri də həlak olmuş saymaq olar”, - deyə polkovnik vurğulayıb.

Qeyd edək ki, polkovnik Buhagiar bir həftə əvvəl Tripolini nəzarətə götürmüş qoşunların komandanıdır.

Xatırladaq ki, Liviyada 40 illik hakimiyyətdə olan Müəmmar Qəddafinin istefası tələbi ilə fevralın ortalarında kütləvi nümayişlər başlayıb. Kütləvi etirazlar sonradan qiyamçılarla hökumət qüvvələri arasında silahlı toqquşmalara keçib.

Fevralın sonunda Liviyanın şərqindəki Benqazi şəhərində qiyamçılar Keçid Milli Şurası (KMŞ) yaradıb, onu ölkədə yeganə legitim orqan elan ediblər. ABŞ da daxil olmaqla, 45 ölkə Qəddafi rejiminin qeyri-legitim olduğunu bildirib, Liviya xalqının qanuni təmsilçisi kimi KMŞ-ni tanıdığını bəyan edib.

Qiyamçı dəstələri NATO aviasiyasının dəstəyi ilə Liviyanın paytaxtı Tripolinin böyük bir hissəsini ələ keçirib. Liviya Cəmahiriyyəsinin lideri M. Qəddafinin aqibəti barədə isə dəqiq məlumat yoxdur. Onun həbsi üçün böyük miqdarda mükafat vəd edilib.