Afrika

Ana səhifə

Afrika

Misir: yeni hökumət barədə razılıq əldə olunub

23 noyabr 2011 02:55 (UTC +04:00)

Bakı-APA. Misirin hərbi rəhbərliyi “milli qurtuluş” hökumətinin yaradılmasına razılığını verib.

APA-nın bbc.com saytına istinadən verdiyi xəbərə görə, hərbiçilər habelə prezident seçkilərinin hazırlanmasını sürətləndirmək qərarına gəlib.
Bu barədə qərarlar Qahirənin Təhrir meydanında etiraz çıxışının güclənməsinə təsadüf edib.
Siyasi qüvvələrlə hərbiçilər arasındakı fövqəladə görüşdə gələn həftə nəzərdə tutulan seçkilərin keçiriləcəyi təsdiqlənib.
İfrat mühafizəkar Nour partiyasının lideri Emad Abdel Qafur deyib ki, prezident seçkiləri iyun ayının sonunda və hakimiyyətin ötürülməsi iyulun birinədək başa çatmalıdır.

Hərbiçilər həmçinin gələn ilin iyul ayınadək prezident seçkilərinin keçiriləcəyini vəd edib ki, bu etirazçıların əsas tələblərindəndir.

Fövqəladə görüşün iştirakçılarından olan Selim Əl-Avva deyib ki, “yeni hökumət inqilabın vəzifələrini yerinə yetirəcək”.

Üç ərzində davam edən nümayişlərdən sonra hərbiçilərin təyin etdiyi hökumət istefaya çıxıb.

Prezident Mübarəkin izdihamlı etirazlar fonunda vəzifədən getməsindən sonra Misir feldmarşal Təntavinin başçılıq etdiyi Ali Şura tərəfindən idarə olunur.

Ötən günlər ərzində nümayişçilərlə təhlükəsizlik qüvvələrinin toqquşmalarında azı 26 adam öldürülüb.

Qahirənin Təhrir meydanında etiraz aksiyası çərşənbə axşamı davam etdirilib.

Meydana toplaşan etirazçılar yeni Konstitusiya əleyhinə çıxış edirlər.

Aksiya iştirakçılarının fikrincə bu sənəd seçkilərin nəticələrindən asılı olmayaraq hərbçilərə hakimiyyətdə qalmaq imkan verəcək.