Burkina Fasoda naməlum silahlıların kəndə hücumu zamanı 20 nəfər öldürülüb

Burkina Fasoda naməlum silahlıların kəndə hücumu zamanı 20 nəfər öldürülüb
# 21 yanvar 2020 08:22 (UTC +04:00)

Burkina Fasonun şimalında yerləşən Sanmatenqa əyalətinin Pissila bölgəsindəki Rofeneqa kəndinə silahlı hücum nəticəsində azı 20 mülki şəxs öldürülüb.

APA TASS-a istinadən xəbər verir ki, bu barədə yerli hakimiyyət orqanları məlumat yayıb.

Naməlum silahlı şəxslər gecə saatlarında 40-a yaxın motosikletlə kəndə girərək sakinlərə atəş açıblar.

Yaraqlılar kənddəki ibtidai məktəb binasını da yandırıblar.

Qeyd edək ki, 2015-ci ildən etibarən Burkina Fasonun şimal bölgələri tez-tez radikal təmayüllü silahlı qruplar tərəfindən hücuma məruz qalır. Son dörd il ərzində təhlükəsizlik qüvvələri və mülki vətəndaşlar da daxil olmaqla, 750-dən çox insan yaraqlıların hücumu zamanı ölüb.

1 2 3 4 5 İDMAN XƏBƏR
#
#

ƏMƏLİYYAT İCRA OLUNUR