Mərkəzi Afrika Respublikasının (MAR) paytaxtı Banqi şəhərində Avropa İttifaqının nümayəndəliyinin binaları yanıb.
APA xəbər verir ki,bu barədə Aİ-nin MAR-dakı səfiri, Aİ-nin Mərkəzi Afrika İqtisadi və Maliyyə Birliyindəki nümayəndəsi Duqlas Karpenter “Twitter”də bildirib.
“Yanğın zamanı xəsarət alan yoxdur. Fəaliyyətimiz bərpa olunana qədər gözləyən və səbr nümayiş etdirən bütün tərəfdaşlarımıza təşəkkür edirik”, - deyə diplomat qeyd edib.
Xatırladaq ki, 16 dekabrda MAR-ın Banqi şəhərində yerləşən “Rus evi”nin rəhbəri Dmitri Sıtıy sui-qəsd aktına məruz qalıb.