Cənubi Afrika Respublikasının şimalında qaz sızması nəticəsində 24 nəfər ölüb.
APA-nın xəbərinə görə, bu barədə Qotenq Metropolitan Əyalətinin Fövqəladə Hallar Xidmətinin sözçüsü Uilyam Ntladi bildirib.
"Boksburq şəhəri yaxınlığındakı qeyri-qanuni yaşayış məntəqəsinin ərazisində tərkibində azot olan qaz sızması olub. Qazın verildiyi balonun yanında olanların hamısı ölüb” – məlumatda deyilir.