Cənubi Afrika hökuməti Qəzzadakı vəziyyətlə bağlı narahatlığını bildirmək üçün İsraildən bütün diplomatlarını geri çağıracağını bildirib.
APA AFP-yə istinadən xəbər verir ki, bu barədə Prezident aparatında nazir olan Khumbudzo Ntshavheni mətbuat brifinqində deyib.
O bildirib ki, Təl-Əvivdəki bütün diplomatik heyət məsləhətləşmələr üçün Pretoriyaya geri qaytarılacaq.
Ölkənin xarici işlər naziri Naledi Pandor isə mətbuat konfransında Qəzzada baş verənlərdən narahatlığını ifadə edib.
"Biz Fələstin ərazilərində uşaqların və günahsız mülki şəxslərin davamlı şəkildə öldürülməsindən son dərəcə narahatıq və inanırıq ki, İsrailin cavab xarakteri kollektiv cəzalardan birinə çevrilib. Biz Cənubi Afrikanın narahatlığını bildirməyi vacib hiss etdik", - o deyib.
Qeyd edək ki, İsrail, Qəzzadakı mülki əhaliyə zərər vermək niyyətində olmadığını, HAMAS-ı məhv etmək niyyətində olduğunu bildirir və HAMAS-ın geniş şəkildə mülki əhalinin içində yerləşdiyini qeyd edir. O, Qəzzanın şimalındakı bütün mülki vətəndaşları cənuba doğru getməyə çağırıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
