Misirin paytaxtı Qahirə şəhərində yaşayış binasının çökməsi nəticəsində ölənlərin sayı 12-yə çatıb.
APA xəbər verir ki, bu barədə Misirin Səda Əl-Balad telekanalı təhlükəsizlik xidmətindəki mənbəyə istinadən məlumat yayıb.
Məlumata görə, dağıntılar altından üç uşağın meyiti çıxarılıb. Daha əvvəl 8 nəfərin öldüyü bildirilirdi.
Hadisə paytaxtın şimal hissəsində yerləşən Hadaiq əl-Kobba bölgəsində baş verib. Hadisə yerinə xilasedicilər cəlb olunub və dağıntıları təmizlənməsi davam edir. Yaralılar yerli xəstəxanaya çatdırılıb.
Baş Prokurorluğun məlumatına görə, binanın çökməsi ilə bağlı 3 nəfər saxlanılıb. Onların arasında binanın birinci mərtəbəsinin sahibi də var. İlkin araşdırmaya görə ki, qəzaya səbəb evin birinci mərtəbəsindəki əsas divarlardan birinin uçması olub
***
18.58
Misirin paytaxtı Qahirədə yaşayış binası çöküb, ölənlər var.
APA MENA agentliyinə istinadən xəbər verir ki, Qahirənin mərkəzindən şimalda beş mərtəbəli yaşayış binasının çökməsi nəticəsində 9 nəfər ölüb.
Xilasetmə qrupları dağıntıların altından 4 nəfəri sağ çıxarıb.
Misirin Sosial Həmrəylik Nazirliyi qurbanların ailələrinin hər birinə 1940 dollar kompensasiya veriləcəyini bildirib.
Rəsmilər yaralıların da yardım alacağını bildiriblər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
