APA-nın “RİA Novosti”yə istinadən, bu barədə New York Times nəşri məlumat yayıb.
Məlumata görə, öldürülən “Əş-Şəbab” lideri bu günlərdə Keniyadakı ticarət mərkəzində törədilmiş terror aktına görə məsuliyyət daşıyır.
“SEAL”ın əməliyyatı oktyabrın 4-dən 5-nə keçən gecə Barava liman şəhərində həyata keçirilib. Məlumata görə, əməliyyatda 2 helikopter iştirak edib. Xüsusi təyinatlılar dənizdən hücum edib.
“Assoşieyted Press”in məlumatına görə, əməliyyatın əsas məqsədi “Əl Qaidə” beynəlxalq terror təşkilatının liderlərindən birinin saxlanılması olub, lakin hərbçilər bunu edə bilməyib.