Bakı-APA. Terrorçuların Əlcəzairin cənub-şərqində yerləşən qaz kompleksinə hücumu nəticəsində 23 girov həlak olub. APA-nın “RİA Novosti”yə istinadən verdiyi xəbərə görə, bu barədə Əlcəzair DİN-i açıqlama verib.
Xüsusi təyinatlıların və jandarmların apardıqları əməliyyat nəticəsində 32 terrorçu qətlə yetirilib. Ölməmişdən öncə onlar girov saxladıqları şəxsləri edam etməyə macal tapıblar.
Terrorçuların zəbt etdikləri kompleksdən 685 əlcəzairli və 107 xarici vətəndaşı azad etmək mümkün olub.
Bundan başqa hərbçilər terrorçulara məxsus xeyli sayda silah sursat ələ keçiriblər – 6 ədəd avtomat tipli tüfəng, 21 ədəd “Kalaşnikov” markalı avtomat, 2 ədəd optik cihazla təchiz olunmuş snayper tüfəngi, tank əleyhinə qumbaraatanlar, çoxlu sayda mobil raket qurğuları, əl qumbaraları və s.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
