Bakı-APA. Əlcəzairin cənub-şərqində qaz kompleksini zəbt etmiş terrorçular hərbçilərin yekun həmləsi zamanı girov saxladıqları yeddi xarici vətəndaşı da qətlə yetiriblər. APA-nın “RBK”ya istinadla verdiyi xəbərə görə, bu barədə Əlcəzairin “APS” dövlət informasiya agentliyi məlumat yayıb.
Əlcəzairin xüsusi təyinatlılar dəstəsi terrorçuların zərərsizləşdirməsi istiqamətində əməliyyatın yekun mərhələsini həyata keçirib. Final həmlə zamanı 11 silahlı öldürülüb.
Qaz kompleksini çalışdıran Sonatrach şirkətində zavodun silahlılar tərəfindən minalandığını və təhlükəsizlik qüvvələri partladıcı qurğuların aşkar olunub zərərsizləşdirməsi istiqamətində iş aparıldığını bildiriblər.