Bakı-APA. Konqo Demokratik Respublikasında baş verən təyyarə qəzasında 36 nəfər həlak olub. Bu barədə APA Associated Press-ə istinadən məlumat verir.
CAA özəl şirkətinə məxsus «Fokker 50» təyyarəsi ölkənin mərkəzindəki Loca şəhərindən şərqdəki Qoma şəhərinə uçurmuş. Hava limanına çatmamış təyyarə şəhərə düşərək yanıb. Hadisə zamanı təyyarədə 40 nəfər sərnişin, həmçinin heyət üzvləri olublar.
Qəzanın səbəbləri barədə məlumat yoxdur. Hadisə baş verən zaman ərazidə güclü yağış yağırmış.