Bakı-APA. Misir prokurorluğu Qətərin “Əl-Cəzirə” peyk telekanalının Qahirə bürosunun rəhbəri Abdelfəttah Fayed barəsində həbs qərarı verib.
APA-nın “RİA Novosti”yə istinadən verdiyi xəbərə görə, o milli təhlükəsizliyi təhlükə altına salan əməllərə yol verməkdə ittiham olunur.
Bundan əvvəl polis Misirdə yayımlanan “Əl-Cəzirə Mübaşir Məsr” telekanalının ofisində axtarış və həbslər həyata keçirib. Telekanal rəhbərliyi hökumətin xüsusi razılığı olmadan efirə çıxmaqda ittiham olunub.
Qeyd edək ki, Hüsnü Mübarək hakimiyyəti dövründən ölkənin dövlət telekanallarında islamçıların efirə çıxmasına qadağa tətbiq edildiyi halda “Əl-Cəzirə” telekanalı “Müsəlman qardaşlar” da daxil olmaqla, daim Misir islamçılarına informasiya dəstəyi verib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
