Bakı-APA. Misir məhkəməsi prezident Məhəmməd Mursinin parlament seçkilərinin təxirə salınması barədə fərmanını ləğv etdikdən sonra Seçki komissiyası da parlament seçkilərinin qeyri-müəyyən vaxta təxirə salınmasına dair qərar qəbul edib. APA-nın “RBK”ya istinadən verdiyi xəbərə görə, səsverməni 2013-cü ilin aprelin 22-dən iyunun sonunadək dörd mərhələdə keçirmək nəzərdə tutulurdu. Məhkəmənin parlament seçkilərinin təxirə salınması barədə qərarı iqtisadi böhran və iğtişaşların tüğyan etdiyi ölkədə siyasi qeyri-müəyyənliyi daha da dərinləşdirib.
Misir prezidenti Məhəmməd Mursi parlament seçkilərinin tarixini dəyişərək aprelin 22-nə təyin etmişdir. Bundan öncə isə parlament seçkilərinin başlanması aprelin 28-nə müəyyən olunmuşdur.
Prezidentin bəyanatında qeyd olunmuşdu ki, parlament seçkilərinin tarixi xristian koptların xahişi ilə dəyişdirilib. Əks halda səsvermə onların Pasxa bayramına təsadüf edəcəkdi.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
