Bakı-APA. Qahirə ətrafında qəzaya uğramış hərbi qatarda ölənlərin sayı 19-a çatıb. Hadisə nəticəsində 107 nəfərin yaralandığı bildirilir. Bu barədə APA Reuters-ə istinadən məlumat verir.
Daha öncə hadisə nəticəsində 15 nəfər həlak olduğu, 96 nəfər isə yaralandığı bildirilirdi.
Qatar orduya yeni çağırılanları daşıyırmış.
Hadisənin səbəbini araşdırmaq üçün xüsusi hökumət komissiyası yaradılıb.