Bakı-APA. Misirin Süveyş şəhərində polislə nümayişçilərin qarşıdurması zamanı 7 nəfər həlak olub.
Məlumata görə, radikal gənclər və polis arasında qarşıdurma Misirin müxtəlif şəhərlərində baş verir. Ölkənin Təcili yardım xidmətinin məlumatına görə hadisələr nəticəsində 252 nəfər xəsarət alıb. Onların arasında polislər də var.
İskəndəriyyə, Süveyş, İsmailiyyə, Dumyət, Məhəllə əl-Kübra şəhərlərində nümayişçilər yerli hakimiyyətin binalarına hücum ediblər. Bir sıra yerlərdə «Müsəlman qardaşlar» təşkilatının və onun siyasi qolu olan «Azadlıq və bərabərlik» partiyasının ofislərinə hücumlar olub.
Məlumatlara əsasən, Misir prezidenti Məhəmməd Mürsi Qahirə yaxınlığındakı hərbi bazalardan birindədir.
Nümayişçilər ölkənin islamlaşdırılmasına qarşı çıxış edirlər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
