Bakı-APA. Qvineya körfəzində göyərtəsində 166 sərnişin olan gəmi batıb. APA-nın “İTAR-TASS”a istinadən verdiyi xəbərə görə, hələlik yalnız iki nəfəri xilas etmək olub.
Gəmi Nigeriyadan qonşu Qabona hərəkət edərkən sahildən 40 mil aralıda batıb. Ölənlərin dəqiq sayə bilinmir.
Gəmilərin həddindən artıq yüklənməsi Afrikada gəmi qəzalarının əsas səbəblərindən biridir. 2008-ci ildə Kamerun sahillərində Nigeriyadan qonşu Qabona gedən gəminin batması nəticəsində 35 nəfər ölmüşdü.