Bakı-APA. Sudan hərbçiləri Cənubi Kordofan ştatındakı döyüşlərin gedişində gün ərzində 50-dən çox silahlını məhv ediblər. Bu barədə APA Frans Press-ə istinadən məlumat yayır.
Məlumata görə, silahlılar da bir neçə hərbçini öldürüblər.
Sudan ordusu və «Sudan Milli Azadlıq Hərəkatı»nın silahlıları arasında Cənubi Kordofanda döyüşlər 2011-ci ilin yazından başlayıb. O dövrdə silahlılar Cənubi Sudan separatçılarının tərəfində döyüşüblər. Lakin Cənubi Sudan müstəqillik əldə etdikdən sonra da onlar silahı yerə qoymayıblar.
2012-ci ilin sentyabrınadək Cənubi Sudan rəhbərliyi «Sudan Milli Azadlıq Hərəkatı»na dəstək verib. Lakin həmin dövrdə iki Sudan arasında bağlanmış müqaviləyə əsasən tərəflər digərin ərazisində fəaliyyət göstərən silahlılara yardım göstərməməyi boyunlarına götürüblər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
