Bakı-APA. Tunisin Sidi-Buzid şəhərində polis müxalifət liderlərindən biri olan Məhəmməd Brahminin qətli ilə bağlı keçirilən etiraz aksiyasını yatırarkən gözyaşardıcı qazdan istifadə edib.
APA-nın “İTAR-TASS”a istinadən verdiyi xəbərə görə, etirazçılar polisi daş qalaq edib, avtomobil təkərləri yandırıb.
Qeyd edək ki, tanınmış müxalifət siyasətçisi, “Xalq Hərəkatı” dünyəvi partiyasının liderlərindən biri Məhəmməd Brahmi iyulun 25-də yaşadığı evin qarşısında qətlə yetirilib.
APA-nın “BBC”yə istinadən verdiyi xəbərə görə, canilər M.Brahmiyə 14 dəfə atəş açdıqdan sonra motosikletlə hadisə yerindən uzaqlaşıblar.
Məhəmməd Brahmi hakimiyyətdə olan islamçıları tənqid edib. O “Xalq Hərəkatı” partiyasının əsas əlaqələndiricisi və Tunisin yeni konstitusiyasının layihəsini hazırlayan Milli Təsis Yığıncağının üzvü olub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
