Bakı. Real Cəfərli - APA. İranda yeni təbii qaz hövzəsi tapılıb. APA-nın İRİB-ə istinadən məlumatına görə, bu barədə İran Milli Neft Şirkətinin müdiri Əhməd Qəlabani açıqlama verib.
Onun sözlərinə ölkənin qərbində, İlam vilayətində kəşf edilmiş yatağın təbii qaz ehtiyatı 260 milyard fut kubdur: “Hövzədən 175 milyard fut kub təbii qaz hasil oluna bilər”.
Ə.Qəlabani həmçinin sərhəd bölgələri və müştərək hövzələrdə yeni qaynaqların olduğunu və yaxın günlərdə bununla bağlı məlumat veriləcəyini də bildirib.