Bakı. Əli Əhmədov – APA-Economics. Azərbaycanda fəaliyyət göstərən bank təşkilatlarının kredit portfelində regionların payı azalıb. Azərbaycan Mərkəzi Bankından «APA-Economics»ə verilən məlumata görə, 2013-cü il aprelin 1-ə ölkə üzrə məcmu bank kredit portfeli 12 953 829,2 min manat təşkil edib ki, bunun da 11 369 952,3 min manatı və ya 87,77%-i Bakı şəhəri, 12,23%-i isə regionların payına düşür. Ötən ilin eyni dövründə isə kredit portfelinin 87,59%-i Bakı, 12,41%-i regionların payına düşüb. Başqa sözlə, son bir ildə ölkə üzrə kredit portfelində regionların payı 0,18 faiz bəndi enib.
Bakıdan sonra ən böyük kredit qoyuluşları Aran iqtisadi rayonunun payına düşür. Cari ilin ilk rübü nəticəsində bu bölgəyə kredit qoyuluşlarının həcmi 536 384,4 min manat və ya ümumi kredit portfelinin 4,14%-ni təşkil edib. Kreditlərin həcminə görə sonrakı yerləri Abşeron (359 626,3 min manat və ya 2,78%), Gəncə-Qazax (210 535,1 min manat və ya 1,63%), Lənkəran (166 635,6 min manat və ya 1,29%), Naxçıvan (87 977,8 min manat və ya 0,68%), Şəki-Zaqatala (70 574,3 min manat və ya 0,54%), Quba-Xaçmaz (55 945,7 min manat və ya 0,43%), Dağlıq Şirvan (54 120,9 min manat və ya 0,42%), Yuxarı Qarabağ (29 434 min manat və ya 0,23%) və Kəlbəcər-Laçın (12 642,8 min manat və ya 0,1%) iqtisadi rayonları tutur.
Regionlar üzrə kredit qoyuluşu (min manat)
Bölgələr |
Yanvar-mart, 2013 |
Kredit portfelində payı |
Ölkə üzrə ümumi |
12 953 829,2 |
100,00% |
Bakı |
11 369 952,3 |
87,77% |
Aran |
536 384,4 |
4,14% |
Abşeron |
359 626,3 |
2,78% |
Gəncə-Qazax |
210 535,1 |
1,63% |
Lənkəran |
166 635,6 |
1,29% |
Naxçıvan |
87 977,8 |
0,68% |
Şəki-Zaqatala |
70 574,3 |
0,54% |
Quba-Xaçmaz |
55 945,7 |
0,43% |
Dağlıq- Şirvan |
54 120,9 |
0,42% |
Yuxarı Qarabağ |
29 434,0 |
0,23% |
Kəlbəcər-Laçın |
12 642,8 |
0,10% |