Bakı. Əli Əhmədov – APA-Economics. Azərbaycan Respublikası Dövlət Neft Şirkəti (ARDNŞ) 2013-cü ilin fevral ayında dövlət büdcəsinə 132,285 mln. manat vəsait ödəyib. ARDNŞ-dən «APA-Economics»ə verilən məlumata görə, bu göstərici ötən ilin fevral ayına nisbətən 43,9% çoxdur.
Ümumiyyətlə, 2013-cü ilin yanvar-fevral aylarında şirkət büdcəyə 266,516 mln. manat ödəyib ki, bu da 2012-ci ilin müvafiq dövrü ilə müqayisədə 36,1% çoxdur.
Bundan əlavə, cari ilin fevral ayında ARDNŞ Dövlət Sosial Müdafiə Fonduna (DSMF) 11,4 mln. manat vəsait köçürüb ki, bu da ötən ilin fevral ayına nisbətən 1,1% çoxdur.
Ümumiyyətlə, 2013-cü ilin yanvar-fevral aylarında ARDNŞ tərəfindən DSMF-yə ödəniş 24,167 mln. manat təşkil edib ki, bu da 2012-ci ilin müvafiq dövrünün göstəricisini 1,9% üstələyir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
