Aqrar-sənaye kompleksi

Ana səhifə

Həştərxan nərə cinsli balıqların Azərbaycana ixracını planlaşdırır

20 yanvar 2010 10:59 (UTC +04:00)

Bakı. Viktoriya Dementyeva – APA. Həştərxan vilayətinin Beynəlxalq və Xarici İqtisadi Əlaqələr Nazirliyi vilayət ərazisində nərə cinsli balıqların yetişdirilməsi üzrə Azərbaycanla birgə müəssisənin yaradılması məsələsini müzakirə edib.

APA-ya Həştərxan qubernatorunun mətbuat xidmətinə istinadən məlumatına görə, Beynəlxalq və Xarici İqtisadi Əlaqələr Nazirliyi 2009-cu ilin dekabrında vilayət nümayəndə heyətinin Azərbaycana səfəri zamanı əldə olunmuş razılaşmaların reallaşdırılması üzrə tədbirlər planının hazırlanmasını başa çatdırıb.

Plana Bakı-Olya bərə xəttinin açılması, bu xətt üzrə yük bazasının təşkili və yığılması üçün logistik mərkəzin yaradılması, Həştərxan vilayətinin yod yataqlarının işlənməsi və mənimsənilməsi üzrə Azərbaycanla birgə tədbirlərin hazırlanması, Həştərxan Teplovoz Təmiri Zavodunda Azərbaycan dəmiryolu qatarlarının təmiri üçün sifarişlərin qəbulu üzrə işlərin həyata keçirilməsi və s. kimi məsələlər daxildir.

Bundan başqa, plana Həştərxan vilayətində nərə cinsli balıqların yetişdirilməsi üzrə Azərbaycanla birgə müəssisənin yaradılması (sonradan məhsul Azərbaycana çatdırılmaqla), Həştərxan və Azərbaycanın ali məktəbləri arasında əməkdaşlığı genişləndirilməsi məsələləri də daxil edilib.