Aqrar-sənaye kompleksi

Ana səhifə

Bakıda Bolqarıstan qida məhsullarının təqdimatı keçirilib - FOTOSESSİYA

Bakıda Bolqarıstan qida məhsullarının təqdimatı keçirilib - <font color=red>FOTOSESSİYA</font>

02 mart 2010 13:23 (UTC +04:00)

Bakı. Rəşad Süleymanov - APA-Economics. Bu gün Bakıda Bolqarıstanın bir sıra şirkətlərinin istehsalı olan şərab, ət və süd məhsullarının təqdimatı keçirilib.

«APA-Economics»in məlumatına görə, təqdimat Bolqarıstanın Milli Üzümçülük və Şərabçılıq Palatası, Ət və Süd məhsulları istehsalçıları Assosiasiyaları tərəfindən təşkil olunub.

Bolqarıstanın Azərbaycandakı səfiri Vasil Kalinov bildirib ki, ölkəsində istehsal olunan bəzi ərzaq məhsulları Azərbaycan vətəndaşlarına çoxdan tanışdır. Ölkələr arasında yaxşı münasibətlərin olduğunu deyən səfir real iqtisadi əlaqələrin lazımi səviyyədə olmadığını vurğulayıb. Səfir bolqar şirkətlərinin Azərbaycanda özlərinə tərəfdaş taparaq məhsullarını yeni bazara çıxarmağa nail olacaqlarına ümid etdiyini deyib. V.Kalinovun sözlərinə görə, Bolqarıstan istehsalı olan məhsullar həm keyfiyyətlidir, həm də qiyməti yerli bazardakı məhsullardan 4 dəfə ucuzdur.

Səfir tədbirdə Bolqarıstanın 12 şirkətinin iştirak etdiyini vurğulayıb. V.Kalinov onu da əlavə edib ki, may ayında Bakıda keçiriləcək Qida sərgisində ilk dəfə olaraq Bolqarıstan şirkətlərinin də təmsil olunacağı gözlənilir.

Bolqarıstan Milli Üzümçülük və Şərabçılıq Palatasının sədri Plamen Mollov isə Bolqarıstan şirkətləri tərəfindən 3 növ şərabın, həmçinin araq (konyak) brendi nümunələrinin Azərbaycan bazarına təqdim olunduğunu bildirib. P.Mollovun sözlərinə görə, hazırda Bolqarıstan şərabları MDB-də ən çox Rusiyaya ixrac olunur. Azərbaycan isə onlar üçün yeni bazardır.

Tədbirdə iştirak edən Azərbaycan Kənd Təsərrüfatı Nazirliyinin bitkiçilik və toxumçuluq şöbəsinin müdiri, Respublika Mərkəzi Dequstasiya Komissiyasının sədri Sabir Vəliyev bolqar şərablarının dequstasiyasını aparıb. Ümumilikdə təqdim olunan şərab növlərinin keyfiyyətli olduğunu qeyd edən S.Vəliyev Azərbaycan və Bolqarıstanın həm istehsalçı şirkətləri, həm də satış mərkəzlərinin əlaqələndirilməsinə ehtiyac duyulduğunu bildirib.