Bank Of Baku

Azərbaycanın şərab istehsalçısı Qərbi Avropada satış bölməsini yaradıb

Azərbaycanın şərab istehsalçısı Qərbi Avropada satış bölməsini yaradıb
# 30 iyul 2010 08:09 (UTC +04:00)
Bakı. Rəşad Süleymanov – APA-Economics. Azərbaycanın «Tovuz-Baltiya» şirkəti şərab məhsullarının Almaniyada satışını həyata keçirən müəssisə yaradıb. Bu barədə «APA-Economics»ə şirkətin direktoru Naiq Məmmədhəsənov məlumat verib.

N.Məmmədhəsənovun sözlərinə görə, yeni müəssisə almanların XIX əsrdə Tovuza verdiyi adla - «Traubenfield» adlanır. Şirkət «Tovuz-Baltiya»nın şərab məhsullarını Almaniya ilə yanaşı Şengen və Skandinav ölkələrində satışını təşkil edəcək.

Şirkət rəhbəri bildirib ki, cari ilin əvvəlindən Almaniyaya 2 konteyner – 24 min şərti butılka müxtəlif şərab məhsulları, o cümlədən nar, heyva şərabları, brendi və viski ixrac olunub. Hazırda ixracın artırılması istiqamətində Avropa şirkətləri ilə danışıqlar aparılır.

N.Məmmədhəsənov bildirib ki, hazırda bir sıra perspektivli bazarlar öyrənilir. «Tovuz-Baltiya» şirkəti gələcəkdə xammalı Azərbaycandan aparmaqla, digər ölkələrdə şərab istehsalı layihələrinin icrasının mümkündüyünü də nəzərdən keçirir.
1 2 3 4 5 İDMAN XƏBƏR
#
#

ƏMƏLİYYAT İCRA OLUNUR