Aqrar-sənaye kompleksi

Ana səhifə

“Jalə” və ”Zolotoy Sad” qızıl medal və diplomlara layiq görülüb

23 sentyabr 2010 19:46 (UTC +04:00)

Dünyanın 57 ölkəsindən 1167 şirkət və kompaniya qatılıb.

Sərginin əsas məqsədi qida istehsalçılarının öz məhsullarını MDB və dünya bazarlarına tanıtmaq olub. 4 gün ərzində sərgini 30 mindən çox insan ziyarət edib. Sərgi çərçivəsində ənənəvi “İlin məhsulu-2010” peşəkar dequstasiya müsabiqəsi keçirilib.

Müsabiqə Rusiyanın Kənd Təsərrüfatı Nazirliyinin Mərkəzi Dequstasiya Komisiyası tərəfindən təşkil olunub. 200 şirkət 400-dən artıq məhsulunu 9 nominasiya üzrə müsabiqəyə təqdim edib. Gilan Qəbələ Konserv Zavodu Azərbaycanı bu sərgidə uğurla təmsil edib. İlin məhsulu müsabiqəsində “Jalə” və ”Zolotoy Sad” brendinin şirə və nektarları yüksək keyfiyyətinə görə qızıl medal və diplomlara layiq görülüb.

Bu, Gilan Qəbələ Konserv Zavodunun ilk uğuru deyil. Zavodun məhsulları 2009-cu ildə Almatı şəhərində keçirilən “World Food Kazakhstan” Beynalxalq Qida Sərgisi çərçivəsində Qazaxıstan Respublikasının Qida Akademiyasının patronajlığı altında keçirilən “Ən keyfiyyətli Məhsul - 2009” dequstasiya müsabiqəsində yüksək keyfiyyətinə görə qızıl medala və diploma layiq görulüb.

“World Food Moscow 2010” Beynəlxalq Qida Sərgisində beynəlxalq qida məhsulları bazarında böyük prespektivlər vəd edən müqavilələr də bağlanılıb.

Qeyd edək ki, Azərbaycan bazarında öz yerini tutmuş Gilan Qəbələ Konserv zavodunun “Jalə” və “Zolotoy Sad” nişanlı şirə və nektarları artıq dünyanın 30-dan çox ölkəsinə müvəffəqiyətlə ixrac olunur.