Aqrar-sənaye kompleksi

Ana səhifə

Azərbaycanda satışda olan siqaret qutuları dəyişdiriləcək

11 noyabr 2010 12:26 (UTC +04:00)

Bu dəyişiklik nəticəsində gələn ilin may ayından qüvvəyə minməsi nəzərdə tutulan AZS 335-2009 «Tütün məmulatları. Qablaşdırma və markalanma» dövlət standartının tətbiqi 2011-ci ilin sentyabr ayınadək uzadılıb.

Komitədən «APA-Economics»ə verilən məlumata görə, standartın tətbiqinin ləngiməsi ölkənin tütün məmulatı istehsalçılarının xahişi ilə olub. Xüsusilə ölkənin ən böyük tütün məmulatlarının istehsalçısı olan «European Tobacco-Baku» şirkəti komitəyə müraciətində bildirib ki, müəssisədə hələ əvvəlki standartlarla istehsal edilib qablaşdırılmış kifayət qədər məhsul var və standartın tətbiqinə (1 may 2011-ci il) qədər onları reallaşdırmaq mükün olmayacaq. «Buna görə də komitə istehsalçıların itkilərə məruz qalmaması üçün standartın tətbiqinin vaxtını dəyişib», - deyə Komitədən bildirilib.

Qeyd edək ki, «Tütün məmulatları. Qablaşdırma və markalanma» dövlət standartının tətbiqində əsas yenilik siqaret qutularının dizaynı ilə bağlıdır. Belə ki, yeni standartda nəzərdə tutulan tələblərə görə, siqaretin qutusunun ön və arxa tərəflərinin sahəsinin 30%-i siqaretin əks təbliğatına həsr olunmalıdır – burda «Siqaret çəkmək sizin sağlamlığınıza ziyandır» və «18 yaşa çatmayan vətəndaşlara satıla bilməz» sözləri yazılmalıdır. Belə siqaret qutuları Azərbaycanda gələn ilin sentyabrından satılmağa başlayacaq.