Aqrar-sənaye kompleksi

Ana səhifə

IFAD Azərbaycana 20 mln. dollar kredit ayırıb

29 iyun 2011 07:39 (UTC +04:00)

Bakı. Viktoriya Dementyeva - APA-Economics. Beynəlxalq Kənd Təsərrüfatının İnkişafı Fondu (IFAD) Azərbaycana 19,35 mln. dollar kredit ayırıb.

“APA-Economics”in BMT-nın saytına istinadən xəbərinə görə, bu vəsait fermerlərin gəlirlərinin artırılması və ərzaq təhlükəsizliyinin təmin olunması layihəsinə yönəldiləcək.

Kredit sazişi bu il yunun 28-də IFAD-ın Romadakı mənzil-qərargahında imzalanıb. Kredit BMT-nin bu qurumunun Azərbaycandakı investisiyalarının bir hissəsini təşkil edir. İnvestisiyaların ümumi həcmi isə 87 mln. ABŞ dollarıdır.

Layihə Azərbaycanın dörd şimal və mərkəzi rayonunda 50 min kəndli ailəsinə yardım göstərilməsini nəzərdə tutur. Yardım məhsuldarlığın yüksəldilməsinə və gəlirlərin artırılmasına səbəb olmalıdır. Layihənin istiqamətlərindən biri irriqasiya sisteminin yaxşılaşdırılmasıdır. Fermerlər kredit əldə etməklə kənd təsərrüfatı sahəsində bacarıqlarını artıracaqlar.

Qeyd edək ki, BMT-nin ixtisaslaşdırılmış təşkilatı olan IFAD 30 il əvvəl yaradılıb. Fondun yaradılmasında məqsəd dünyanın müxtəlif ölkələrində yoxsul kənd sakinlərinə yardım göstərməkdən ibarətdir.