Aqrar-sənaye kompleksi

Ana səhifə

Bakıda kənd təsərrüfatı ilə bağlı beynəlxalq seminar işə başlayıb - FOTO

Bakıda kənd təsərrüfatı ilə bağlı beynəlxalq seminar işə başlayıb - <font color=red>FOTO</font>

04 iyul 2011 10:08 (UTC +04:00)

Bakı. Əli Əhmədov– APA-Economics. Bu gün Bakıda «Aqrar biznes, aqrar emal və əlavə dəyər zəncirinin dəstəklənməsində Azərbaycan və Mərkəzi Asiya respublikalarının Kənd Təsərrüfatı nazirliklərinin potensialının artırılması» mövzusunda regional seminar işə başlayıb.

BMT-nin Ərzaq və Kənd Təsərrüfatı Təşkilatı (FAO) və Qırğızıstanın «RDS-Elet» qeyri-kommersiya təşkilatı tərəfindən təşkil olunan və iki gün davam edəcək seminarda FAO, Azərbaycan, Qırğızıstan, Qazaxıstan, Tacikistan, Özbəkistan, Gürcüstan nümayəndələri iştirak edir. Qeyd edək ki, tədbirdə Türkmənistan və Pakistan nümayəndələrinin də iştirakı gözlənilsə də, sonradan texniki səbəblərdən onların səfərinin baş tutub-tutmayacağı sual altındadır.

Seminarın əsas məqsədi adı çəkilən ölkələrdə aqrar biznesin və bu sahədə marketinq fəaliyyətinin inkişaf etdirilməsi üçün səmərəli dəstək yollarının araşdırılmasıdır. Həmçinin, tədbirdə fermerlər və kənd təsərrüfatı sahəsində çalışan digər iştirakçılar üçün etibarlı texniki dəstəyin təşkili məsələsi müzakirə olunur.

FAO-nun nümayəndəsi Olivio Argenti bildirib ki, fermerlərin qarşılaşdığı əsas çətinliklər maliyyə və bürokratik çətinliklər, eləcə də texniki məsələlərlə bağlıdır: «Biz də bu məsələlərin həlli üçün nazirliklərin potensialını artırmağı müzakirə edirik».

Azərbaycanın kənd təsərrüfatı nazirinin müavini Bəhram Əliyevin sözlərinə görə, gələcəkdə nazirlərin iştirakı ilə yeni qərarın qəbul edilməsi və beynəlxalq təcrübədən bəhrələnmək nəzərdə tutulub. Tədbirdə bəzi problemlərin həlli üçün təkliflər də hazırlanır, bu təkliflərin hazırlanması və həyata keçirilməsi prinsipləri öz həllini tapacaq.