Aqrar-sənaye kompleksi

Ana səhifə

Nazir Əli Abbasov: “Fotosintez qlobal ərzaq təhlükəsizliyinin təmin edilməsində mühüm rol oynaya bilər”

25 iyul 2011 13:51 (UTC +04:00)

Bakı. Nicat Mustafayev - APA-Economics. Fotosintezin məhsuldarlığa təsiri, idarəolunan fotosintezin köməyi ilə yeni bitki və növlərinin və modifikasiya olunmuş məhsul tiplərinin alınması və s. dünyada ərzaq təhlükəsizliyini təmin etmək istiqamətində yardım edə bilər.

«APA-Economics»in məlumatına görə, bunu Bakıda keçirilən «Davamlı inkişaf üçün fotosintez tədqiqatları» mövzusunda beynəlxalq konfransda çıxış edən Azərbaycanın rabitə və informasiya texnologiyaları naziri Əli Abbasov bildirib.

Qlobal enerji, ərzaq və ekoloji təhlükəsizlikləri problemlərindən danışan nazir qeyd edib ki, ekoloji dayanıqsızlıq və bununla əlaqədar təbii fəlakətlər bu gün əksər ölkələrin sosial-iqtisadi inkişafında və həyatında problemlər yaradıb: «Azərbaycan böyük təbii sərvətlərə və bol karbohidrogen ehtiyatlarına malikdir, lakin bizim enerji siyasətimizin bir istiqaməti də alternativ energetikanın inkişafı və regionun bununla əlaqədar ekoloji problemlərinin həllində aktiv iştirakımızdır».

Qeyd edək ki, iyulun 30-dək davam edəcək elmi forumda fotosintez prosesinin bütün istiqamətləri, o cümlədən hidrogenin alınması və süni fotosintez kimi problemlər barədə geniş müzakirələr aparılacaq.