Aqrar-sənaye kompleksi

Ana səhifə

Aran bölgəsində ətin qiyməti artır - ARAŞDIRMA

Aran bölgəsində ətin qiyməti artır - <font color=red>ARAŞDIRMA</font>

23 sentyabr 2011 12:59 (UTC +04:00)

Bakı. Zahid Abışov - APA. Aran bölgəsinin bəzi rayonlarında ətin qiyməti qalxır, bəzilərində isə qıtlıq yaranıb.

APA-nın Mərkəzi Aran bürosunun xəbərinə görə, Ucar-Göyçay rayonlarında mal ətinin satışında təxminən bir ay ərzində ikinci dəfə artım müşahidə olunur. Belə ki, Göyçay rayonunda təxminən 1 ay əvvəl hər kiloqramı 7 manata satılan mal əti sonradan 7 manat 50 qəpik, son zamanlar isə 8 manata, qoyun əti 8 manatdan 9 manata qalxıb. Ucar rayonunda da bir ay əvvəl 7 manata satılan mal əti sonradan 7 manat 50 qəpiyə, son zamanlar 8 manata yüksəlib, qoyun əti isə əvvəlki kimi 8 manata satılır.

Ucar-Göyçay rayonlarında mal kəsimi ilə məşğul olan qəssablar artımın səbəbini yerli sakinlərdən kəsimə yararlı diri heyvanların baha qiymətə alınması ilə izah edir. Hətta qəssablar bu qiymət artımının onlar üçün ziyanlı olduğunu da deyirlər. Çünki əvvəllər hər bir qəssab gün ərzində 80-100 kq ət satırdısa, hazırda gün ərzində 30-35 kq ət sata bilir. Hətta bəzi hallarda 300-400 qram ət alan insanlara da rast gəlinir.

Ətin qiymətinin qalxmasına münasibət bildirən Göyçay rayon İcra Hakimiyyəti başçısının sosial məsələlər üzrə müavini Ədalət Dövlətov artımı otun və yemin qiymətinin baha olması ilə əlaqələndirib. Ucar rayon İcra Hakimiyyətindən isə məsələyə bir heç münasibət bildirilməyib.

Zərdab rayonunda isə tamamilə başqa bir vəziyyət yaranıb. Belə ki, mal əti əvvəlki kimi 7 manata, qoyun əti isə 50 qəpik bahalaşaraq 7 manat 50 qəpiyə satılır. Ancaq yerli sakinlər ətin rayonda növbə ilə satıldığını və qıtlıq yarandığını deyir. Zərdab rayon İcra Hakimiyyətinin sosial-iqtisadi məsələlər üzrə aparıcı məsləhətçisi Şövqi Qafarov isə bildirib ki, rayonda əslində ət qıtlığının yaranmayıb, bir ənənə olaraq ta qədimdən Zərdab rayonunda ət yalnız səhər saatlarında satılır. Hazırda ətə tələbat daha çox olduğundan, səhər saat 10-dan sonra bazarda qoyun əti tapılsa da, mal əti tapmaq mümkün deyil.