Aqrar-sənaye kompleksi

Ana səhifə

Azərbaycanda kənd təsərrüfatı məhsullarının istehsalı 8% artıb

20 oktyabr 2011 08:40 (UTC +04:00)

Bakı. Nicat Mustafayev - APA-Economics. Bu ilin oktyabrın 1-dək Azərbaycanda dənli bitkilər səpilmiş sahələrin 99,3%-nin məhsulu toplanıb və həmin sahələrdən qarğıdalı da daxil olmaqla 2,431 mln. ton məhsul götürülüb. Dövlət Statistika Komitəsindən «APA-Economics»ə verilən məlumata görə, orta hesabla hər hektarın məhsuldarlığı 4,7 sentner artaraq 25,3 sentner olub.

Oktyabrın 1-dək tarlalardan 923,3 min ton kartof, 1 129.3 min ton tərəvəz, 468,4 min ton meyvə və giləmeyvə, 474,5 min ton bostan məhsulları, 81,3 min ton üzüm, 17,2 min ton pambıq, 453,2 ton yaşıl çay yarpağı, 2 838,7 ton tütün, 71,3 min ton şəkər çuğunduru, 18,6 min ton dən üçün günəbaxan toplanıb.

Ötən ilin müvafiq dövrü ilə müqayisədə dənli bitkilərin istehsalı 22,5%, tərəvəz istehsalı 2,2%, meyvə və giləmeyvə istehsalı 12,6%, bostan məhsulları istehsalı 10,8%, pambıq istehsalı 41,6%, üzüm istehsalı 1,9%, tütün istehsalı 11,9%, şəkər çuğunduru istehsalı 23,5%, dən üçün günəbaxan istehsalı isə 22,4% artıb.

«İri buynuzlu mal-qaranın baş sayı 2 663,5 min başa, qoyun və keçilərin baş sayı isə 8 574,8 min başa çatıb, bu dövrdə 333,6 min ton diri çəkidə ət, 1 230,4 min ton süd, 795,5 mln. ədəd yumurta, 15,7 min ton yun istehsal olub. Ötən ilin yanvar-sentyabr aylarına nisbətən ət istehsalı 4,5%, süd istehsalı 6,3%, yun istehsalı 6% artıb, yumurta istehsalı 15,9% azalıb. Beləliklə, dəyər ifadəsində bitkiçilik məhsulları istehsalı ötən ilki səviyyədən 10,6%, heyvandarlıq məhsulları istehsalı 3,7%, kənd təsərrüfatının ümumi məhsulu isə 7,6% yüksək olub», - deyə Komitədən bildirilib.