Aqrar-sənaye kompleksi

Ana səhifə

Azərbaycanda kənd təsərrüfatı məhsullarının istehsalçı qiymətləri dekabrda 1,2% yüksəlib

19 yanvar 2012 14:08 (UTC +04:00)

Bakı. Nicat Mustafayev – APA-Economics. Ötən ilin dekabr ayında Azərbaycanda satılmış kənd təsərrüfatı məhsullarının istehsalçı qiymətləri əvvəlki ayla müqayisədə 1,2% bahalaşıb.

Dövlət Statistika Komitəsindən «APA-Economics»ə verilən məlumata görə, hesabat ayında, həmçinin birillik və ikiillik bitkilər 2,8%, çoxillik bitkilər 3,8% bahalaşıb, diri heyvanlar və heyvandarlıq məhsullarının istehsalçı qiymətləri isə 1,4% ucuzlaşıb.

Birillik bitkilərdən buğdanın istehsalçı qiymətləri 2,1%, qarğıdalının 0,7%, arpanın 1%, yaşıl paxlalı tərəvəzlərin 1,2%, tərxunun 14,9%, keşnişin 8%, şüyüdün 0,2%, cəfərinin 1,5%, kartofun 2,7%, quru otun 3,3%, yoncanın istehsalçı qiymətləri 1,2% bahalaşıb, kələmin istehsalçı qiymətləri 0,3%, soğanın 0,1%, sarımsağın istehsalçı qiymətləri isə 1,2% ucuzlaşıb.

Çoxillik bitkilərdən almanın istehsalçı qiymətləri 1,4%, armudun və xurmanın 0,7%, feyxoanın 2,1%, narın 26,7%, heyvanın 17,3%, fındığın 4,8%, nanə yarpaqlarının istehsalçı qiymətləri 44,5% bahalaşıb.

«Bu bahalaşma ilə yanaşı ay ərzində limonun istehsalçı qiymətləri 6,7%, şabalıdın 4%, qozun istehsalçı qiymətləri isə 5,1% ucuzlaşıb. Diri heyvanlar və heyvandarlıq məhsullarından inəyin istehsalçı qiymətləri 1,4%, camışın 3,4%, 1 yaşdan 2 yaşadək olan erkək dananın 1%, ana qoyunun 1,3%, 1 yaşadək quzunun 0,2%, camış südünün və toyuq yumurtasının istehsalçı qiymətləri 0,6% bahalaşıb, diri çəkidə quş ətinin istehsalçı qiymətləri 6,1%, inək südünün 7,6%, təbii balın istehsalçı qiymətləri isə 3,7% ucuzlaşıb», - deyə Komitədən bildirilib.