Aqrar-sənaye kompleksi

Ana səhifə

Bakıda Azərbaycan və Estoniyanın kənd təsərrüfatı nazirləri arasında görüş keçirilib - FOTO

Bakıda Azərbaycan və Estoniyanın kənd təsərrüfatı nazirləri arasında görüş keçirilib - <font color=red>FOTO</font>

17 aprel 2012 10:53 (UTC +04:00)

Bakı - APA-Economics. Bu gün Azərbaycanın kənd təsərrüfatı naziri İsmət Abasov Estoniyanın kənd təsərrüfatı naziri Helir-Valdor Seederin rəhbərlik etdiyi nümayəndə heyəti ilə görüşüb.

Kənd Təsərrüfatı Nazirliyinin mətbuat xidmətindən “APA-Economics”ə verilən məlumata görə, görüşdə Azərbaycanla Estoniya arasında aqrar sahədə ikitərəfli əməkdaşlıq əlaqələri müzakirə olunub.

Nazir İsmət Abasov Azərbaycanda aqrar sahədə əldə olunan nailiyyətlər və dövlətin aqrar sahəyə göstərdiyi qayğı haqqında ətraflı məlumat verib. O, iki ölkə arasında aqrar-sənaye kompleksi sahəsində əməkdaşlıq əlaqələrinin inkişaf etdirildiyini vurğulayaraq bildirib ki, 2011-ci ildə Estoniyadan Azərbaycana 53,2 min ABŞ dollar dəyərində aqrar-sənaye məhsulları idxal edilib, Azərbaycandan Estoniyaya isə 388,3 min ABŞ dollar dəyərində aqrar-sənaye məhsulları ixrac olunub.

İ.Abasov iki ölkənin baytarlıq qurumları arasında heyvanların təhlükəli yoluxucu xəstəliklərinin vəziyyəti haqqında, bitki mühafizəsi və karantini sahəsində davamlı olaraq məlumat və təcrübə mübadiləsinin aparıldığını, karantin zərərli orqanizmlərin ölkələrimizin ərazilərinə daxil olmasının qarşısını almaq məqsədilə müvafiq fitosanitar tədbirlərin həyata keçirildiyini nəzərə çatdırıb. O, Azərbaycanla Estoniya arasında kənd təsərrüfatı sahəsində əməkdaşlığın inkişaf etdirilməsi məqsədilə aşağıdakı istiqamətlərdə təkliflərini nəzərə çatdırıb:

- “Azərbaycan Respublikası Hökuməti və Estoniya Respublikası Hökuməti arasında bitki karantini və mühafizəsi sahəsində əməkdaşlıq haqqında Saziş” layihəsinin hazırlanması;
- “Azərbaycan Respublikası Hökuməti və Estoniya Respublikası Hökuməti arasında baytarlıq sahəsində əməkdaşlıq haqqında Saziş” layihəsinin hazırlanması;
- “Azərbaycan Respublikasının Kənd Təsərrüfatı Nazirliyi və Estoniya Respublikasının Kənd Təsərrüfatı Nazirliyi arasında kənd təsərrüfatı sahəsində əməkdaşlıq haqqında Saziş” layihəsinin hazırlanması;
- dənli və dənli-paxlalı bitkilərin qarşılıqlı sınağının keçirilməsi və rayonlaşdırılması sahəsində əməkdaşlıq;
- Respublikada istehsal olunan meyvə-tərəvəz və konserv məhsullarının Estoniya Respublikasına ixracının artırılması;
- aqrar yönümlü təhsil və elmi-tədqiqat müəssisələri arasında əməkdaşlıq əlaqələrinin yaradılması.

Estoniyanın kənd təsərrüfatı naziri Helir-Valdor Seeder səmimi qəbula görə öz minnətdarlığını bildirib və aqrar sahədə ikitərəfli əməkdaşlığın inkişaf etdirilməsində öz səylərini əsirgəməyəcəyini nəzərə çatdırıb.