Naxçıvan Muxtar Respublikasında 2021-ci ildə arıçılıqla məşğul olan təsərrüfat subyektlərinə 505 min manat məbləğində kredit verilib.
"APA-Economics"in Naxçıvan Dövlət Statistika Komitəsinin hesabatı əsasında apardığı hesablamalara görə, bu, bir il öncəki göstəricidən 4,6% (və ya 23 min manat), 2019-cu ilin göstəricisindən isə 16,8% (və ya 102 min manat) azdır.
Qeyd edək ki, ümumilikdə, son beş ildə arıçılıqla məşğul olan təsərrüfat subyektlərinə 2 mln. manatdan çox kredit verilib.
Ötən il ərzində muxtar respublikada 15 arıçılıq təsərrüfatının yaradılması, 2 arıçılıq təsərrüfatının genişləndirilməsi başa çatdırılıb, 1 arıçılıq təsərrüfatının yaradılması və 1 arıçılıq təsərrüfatının genişləndirilməsi davam etdirilib.
1 yanvar 2022-ci il tarixə muxtar respublikada 100 086 arı ailəsi mövcud olub ki, bu da 2021-ci əvvəlinə olan göstərici ilə müqayisədə 0,15% çoxdur.
Ötən il muxtar respublikada 1506 ton bal istehsal olunub. İstehsal həcmi bir il öncəki göstəricini 1,4% və ya 21 ton üstələyir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
