Bakı. Nicat Mustafayev – APA-Economics. Bu ilin aprel ayında Azərbaycanda satılmış kənd təsərrüfatı məhsullarının istehsalçı qiymətləri əvvəlki ayla müqayisədə 1,5%, o cümlədən birillik bitkilərin istehsalçı qiymətləri 0,3%, diri heyvanlar və heyvandarlıq məhsullarının istehsalçı qiymətləri 3,1% aşağı düşüb, çoxillik bitkilərin istehsalçı qiymətləri isə 0,8% artıb.
Dövlət Statistika Komitəsindən «APA-Economics»ə verilən məlumata görə, birillik bitkilərdən kartofun istehsalçı qiymətləri 0,1%, kələmin 1,3%, xiyarın 0,1%, pomidorun istehsalçı qiymətləri 0,6% bahalaşıb, buğdanın istehsalçı qiymətləri 1,1%, arpanın 0,3%, göyərtilərin 7,4%, baş sarımsağın 0,2%, baş soğanın 0,1%, qırmızı turpun 2,2%, quru otun 4,3%, yoncanın istehsalçı qiymətləri isə 1,4% ucuzlaşıb.
Çoxillik bitkilərdən fındığın istehsalçı qiymətləri 4%, qozun istehsalçı qiymətləri 0,3% ucuzlaşıb, almanın istehsalçı qiymətləri 4,3%, limonun isə 8,9% bahalaşıb.
Diri heyvanlar və heyvandarlıq məhsullarından diri qoyun və keçilərin istehsalçı qiymətləri 3,5%, inəyin 1%, camışın 0,3%, mal ətinin (diri çəkidə) istehsalçı qiymətləri 1,2% bahalaşıb. Bu bahalaşma ilə yanaşı ay ərzində qoyun ətinin (diri çəkidə) istehsalçı qiymətləri 0,8%, quş ətinin (diri çəkidə) 1,6%, südün 7,9%, yumurtanın istehsalçı qiymətləri isə 6,4% ucuzlaşıb.
Balıq və sair balıqçılıq məhsullarından diri balığın istehsalçı qiymətlərində 0,1% bahalaşma müşahidə olunub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
