Bakı-APA. ABŞ-ın Konnektikut ştatının Nyu Xeyven şəhərindəki gecə klubun naməlum şəxs tərəfindən açılan atəş nəticəsində 1 nəfər ölüb, 5 nəfər yaralanıb.
APA-nın “İTAR TASS”a istinadən verdiyi xəbərə görə, atəş səsləri yerli vaxtla 03.30 radələrində eşidilib. Bu zaman binada 100-dən çox insan olub.
Atəş səslərini eşidən insanlar vahimə içində binanı tərk edib.
İnsident nəticəsində 26 yaşlı qadın həlak olub, daha 5 nəfər isə yaralanıb, onlardan birinin vəziyyəti kritikdir. Polis hələlik atəş açanın şəxsiyyətini müəyyən edə bilməyib. Hadisənin narkotik alveri ilə baş verməsi istisna olunmur: hadisə yerində qadağan olunmuş preparatlar aşkarlanıb.