Bakı - APA. Dekabrın 6-8-də Nəqliyyat Nazirliyinin Nəqliyyatı İntellektual İdarəetmə Mərkəzi (NİİM), Bakı Şəhər Dövlət Yol Polisi İdarəsi və Park Bulvar
NİİM-dən APA-ya verilən məlumata görə, tədbir sürücü və piyadaların, uşaqların yol hərəkəti qaydalarına dair bilik və bacarıqlarının artırılması, onlara təhlükəsiz davranış vərdişlərinin aşılanması və İntellektual İdarəetmə Sistemi haqqında ətraflı məlumat verilməsi məqsədilə təşkil ediləcək.
Həmçinin yol hərəkəti qaydaları haqqında viktorinalar da təşkil olunacaqdır. Aksiyaya dəstək məqsədilə millət vəkilləri, teleaparıcılar, sənətçilər tədbirdə övladları ilə birgə iştirak edəcəklər. Aksiya 3 gün ərzində saat 17:00-dan 19:00-dək davam edəcək.
Qeyd edək ki, son illərdə yol nəqliyyat hadisələrinin, avtomobil idarə edərkən diqqətsizlik və qaydalara düzgün riayət olunmaması səbəbilə baş verən qəzalar və insan ölümlərinin sayının artmaqdadır. Bu kimi hadisələrin qarşısının alınması üçün belə maarifləndirici tədbirlərin davamlı olaraq keçirilməsinə ehtiyac var.